Diaranson anochi den stadion Frans Figaroa na Noord a tuma lugar e gran final di futbol divicion junioren ora cu Estrella a enfrenta SV Britannia. Tabata un wega cu hopi emocion unda cu ambos equipo a lucha duro. Na halftime e wega ta bai aden cu score di 0-0 y tabata na di 15 minut den di dos tempo cu Estrella ta bai ariba 1-0 cu un bunita gol cual a bin for di un bunita combinacion ariba hala drechi di tereno. Faltando 10 minut pa wega caba Sebastian Montoya ta empata e wega y asina a duna Britannia junioren e speransa di gana e wega ainda. Pero e defensa di Estrella a para duro y asina tambe Estrella ta titula campeon pa di dos bes sigi. Na final di wega tabata tin un "op-stootje" pero nada particular. Nos kier a felecita Etrella cu e titulo di campeon y SV Britannia cu e titulo di Sub-campeon di Aruba den divicion junioren.