Digicel, e operador di celular den Caribe, Centro America y Pacifico, cu mas balor ta duna bo placa, y e sponsor oficial regional di Caribe pa Copa Mundial di FIFA 2010, a treat 41 cliente fiel cu e biahe di nan bida pa mira e wega final di Copa di Mundo FIFA na Surafrica-2010.

E 41 clientenan cu tabatin e suerte aki no solamente a mira e final historico caminda dos seleccion Europeo a hunga pa prome biaha contra otro riba suela no-Europeo, pero tambe tabatin e oportunidad di disfruta di un pais yen di cultura y historia. E grupo a pasa un dia riba un Safari-Tour den Pilensburg National Park y a gosa di un almuerso den un tradicional Shebeen – un caso di encuentro famoso na Sur Africa caminda historicamente e hendenan ta topa y discuti asuntonan politica y social. E grupo tambe a bishita e famoso Sun City Resort na Rustenburg y a disfruta di un  cena “Braai” – un BBQ Surafricano di platonan local caminda un grupo tribal a entretene e grupo cu canto y baile tradicional.

E biahe  – cu a inclui tur e vuelonan y translado for di e pais di e ganadonan pa Sur Africa, acomodacion y cuminda na un cas di estadia luhoso na un reserva, placa pa gasta, un Safari tour, materialnan oficial di e grupo y entradanan pa e final – tabatin un balor total di US$30,000 pa persona. E ganadonan – tur clientenan fiel di Digicel for di 24 pais rond Caribe y Pacifico – a gana e premio fantastico den un di e varios promocionnan di Digicel cu a core den e lunanan prome cu e Copa Mundial FIFA 2010.

E ganado di Digicel Surnam, Judith Ann Klein, kende a bay cu su yiu, Miquel Patric – y niun di dos a yega di subi un avion prome – a bisa; “Esaki tabata un di e miho cosnan cu mi a yega di haci den mi bida. Mi ta un cliente fiel di Digicel desde cu nan a lansa nan mes na Surnam na 2007, pero nunca mi a pensa cu nan lo hibami Sur Africa pa experencia e ciudad maraviyoso aki y mira e final di Copa di Mundo. Mi a kinipi mi mes varios biaha pa ta sigur cu mi no ta soñando.”

E ganado di Digicel St. Kitts y Nevis tabata Michael Powell, ex Vice Presidente pa  Caribbean Tourism Organization. Papiando di su dianan na Sur Africa, sr. Powell a bisa: “Mi tabatin e suerte di bishita hopi luga den mi bida pero esaki tabata mi prome biaha pa Sur Africa – un luga cu semper mi kier a mira.”

“Danki na Digicel, nos a experencia algo di e gran atraccionnan cultural y historico – como tambe testigua e final di Copa di Mundo 2010 – un evento historico riba su mes,” Powell a agrega.

Director di Operacion di Mercadeo di Digicel, Kieran Foley, a bisa: “Como parti di nos promesa pa duna e miho balor na nos clientenan, Digicel ta orguyoso pa a hiba 41 di nos clientenan fiel riba e biahe di nan bida pa Sur Africa. Digicel ta e sponsor mas grandi di futbol den region di CONCACAF y cu esey nos ta masha contento di por a duna nos clientenan e chens pa testigua e evento mas grandi di futbol na mundo.”

Digicel a bin ta envolvi den un variacion amplio di iniciativanan pa cu futbol cu e meta pa apoya desaroyo di futbol den Caribe y Centro America den e ultimo seis añanan. Awe, Digicel tin operacion na 32 pais rond mundo y ta sponsor 17 Federacion Nacional di Futbol y liganan, como tambe e Digicel Caribbean Cup y Copa de Naciones Digicel na Centro America.

Digicel tambe a lidera e Digicel Kick Start Clinics den Caribe y Centro America cu ta ofrece futbolistanan hoben e chens pa entrena cu futbolistanan renombra manera e leyendanan di Liverpool, John Barnes y Ian Rush, como tambe e chens pa pasa un siman cu e clubnan di Premier League di Inglatera, Sunderland AFC y Manchester City.