Den segundo partido cu bai entre Bubali y Nacional a topa otro ariba tereno nuetral cu ta den Cempleho Deportivo Guillermo Trindad pa dicidi cual ekipo ta orguyo di noord. Silo Brette cu a tuma Nacional na su encargo a trese un biento fresco den su ekipo cu a cuminsa gana su weganan cu a pone nan na di cuarto luga.
E rivalidad entre e dos ekiponan di bario di Noord aki ta grandi y den prome wega e partido a termina 0-0 cu hopi hugada bruto.
Nacional den segundo partido a bin sigur di nan mes y den prome tempo Jamir Howell Brokke ta anota Hattrick pa su ekipo di Nacional y Bubali di su banda tabata enbusca di combinacion cu no a jega nunca. Bubali cu e desventaha a perde tur trankilidad y ta cuminsa skop bala pa loco dilanti. Den segundo tempo Bubali ta trese Villamarin den tereno y na di 56 minuut Villamarin ta anota e prome y unico gol pa Bubali. Bubali a crea mas oportunidad pero egoismo di delantero ta evita cu e golnan por a cay pa Bubali. Den fase final di partido Refree Makaay ta bai linja y ta duna dos dirigente Presidente Ryan Figaroa y ass. Trainer di Bubali kaarchi corra y ta duna Entrenador Silo di Nacional corra tambe!!! Nos a tende varios version, pero nos lo busca pa hanja sa exactamente kiko a pasa. Despeus di 90 minuut Refree Makaay ta termina e partido y Nacional a demostra Bubali cu ta "Nacional ta e Orguyo di Noord" Bubali ta keda na di 5 luga cu 19 punto y Nacional ta pasa pa tercer luga cu 23 punto.