Dialuna 25 januari 2010 a tuma lugar e gran final entre SV Britannia contra di La Fama pa locual ta trata Copa Betico 2009/10. E aliñasion di Britannia tabata; Den gol; Arthur Werleman, defensa; Gio Kartoredjo, Raymond Tromp, Derwin Donato y Junel Sanchez. Den medio campo; Gregory Lake, Mark Mackay y Ulises Nuñez. Den delantero; Sebastian Montoya, Jonathan Lake y Chando de Lange. E cambionan cu tabata tin ta; Richard Rojas a drenta na lugar di Marc Mackay, Steven Pierresaint na luga Chando de Lang y Marlon Andrea na lugar di Sebastina Montoya.
E wega a cuminsa y mes ora Britannia a cuminsa pone presion ariba La Fama y na di 5 minut di wega Jonathan Lake ta tira fuerte ariba gol y e bala ta pasa raspa e palo di gol y La Fama ta scaba. Un par di minut despues ta Jona Lake un biaha mas ta bira peliger dilanti gol y ta anota su prome gol di anochi pa manda su equipo Britannia ariba 1-0 y asina halftime ta bai aden.
Den di dos tempo La Fama ta hasi un bon ataka y ta logr anota e gol di empate. Faltando un 20 minut pa weg caba ta Jona Lake un biaha mas ta tuma un tiro liber ariba su cuenta y ta anota cu un tiro lastra y cual gol ta bin resulta den e gol di victoria pa Britannia y tambe e titulo pa di tres aña consecutivo pa Britannia.
 Un pabien grandi na e hungadornan, staf technico y specialmente na e fanatica grandi di Britannia.