Diamars a tuma lugar den C.D. Frans Figaroa na Noord e prome wega di semi final entre Dep. Nacional contra di La Fama. Manera nos sa Sr. Silo Brete ta bek como entrenador di Nacional y di otro banda Sr. Eppie Albertus a bai un curso di entrenador di 5 luna na Hulanda. E wega mes a cuminsa ariba un nivel demasiado halto pa Dep. Nacional hungando ariba un speed enorme. Di otro banda La Fama tambe a demostra nan speed y condision fisico y e wega tabata ariba un nivel bastante aspetabel pa Aruba. Despues di halftime por a ripara cu Nacional lo no wanta e speed y poco poco La Fama a cuminsa domina e wega. Den e ultimo 30 minutnan tabata La Fama cu a domina e wega y tabata merese di socre gol. Pero Nacional tambe tabata tin su momentonan bon y cu oportunidad di score. Y asina e 90 minutnan a pasa y wega ta caba empata lamunchi lamunchi. Den tiramento di pinalty Nacional tabata masha slordig mes y te hasta Jeffrey Werleman a sali na dos ocasion demasiado trempan y refree ta laga Nacional tira e pinalty di nobo, pero Nacional a keda slordig y facilmente La Fama ta gana den e tiramento di pinalty. Awe nochi lo tin e otro semi final ora cu SV Britannia enfrenta Unistars pa 8'or di anochi tambe den Frans Figaroa na Noord.